05 :- සාර්ව ආර්ථික ක‍්‍රියාකාරිත්වය සැලකිල්ලට ගනිමින් ජාතික ගිණුම් සකස් කිරිමේ සූදානම ප‍්‍රදර්ශනය කරයි.

5.2 :- වෘත්තාකාර ප‍්‍රවාහය ආශ‍්‍රයෙන් ජාතික ගිණුම්කරණයේ විවිධ ප‍්‍රවේශ විග‍්‍රහ කරයි.

සාර්ව ආර්ථික ක‍්‍රියාකාරිත්වයට දායක වන විවිධ අංශ, ආර්ථික කාරක නමින් හැදින්වේ. එම කාරක, සිවු වැදැරුම් වේ. ඒවා නම්,
1. කුටුම්බ අංශය
2. ව්‍යාපාරික අංශය
3. රාජ්‍ය අංශය
4. විදේශ අංශය

· කුටුම්බ අංශයේ ප‍්‍රධාන කාර්ය පහත දැක්වේ.

· ආර්ථිකයේ නිෂ්පාදන සාධකවලවල හිමිකාරිත්වය කුටුම්බ අංශය සතු වන අතර එම නිෂ්පාදන සාධක ව්‍යාපාරික අංශයට සැපයීම මගින්සාධක ආදායම් ඉපයීම.

· ව්‍යාපාරික අංශය නිපදවන භාණ්ඩ හා සේවා මිලට ගැනීම.

· ආර්ථිකයක ඉතිරි කිරිම් බිහි කිරීම.

· කුටුම්බ අංශය රජයට බදු ගෙවන අතර රජය මගින්සපයන පොදු සේවා පරිභෝජනය කිරීම.

· ව්‍යාපාරික අංශයේ ප‍්‍රධාන කාර්ය පහත දැක්වේ.

· කුටුම්බ අංශයෙන් නිෂ්පාදන සාධක මිලදී ගෙන භාණ්ඩ හා සේවා නිෂ්පාදනය කිරීම.

· නිෂ්පාදන භාණ්ඩ විකුණා ආදායම් ලබයි.

· ව්‍යාපාර උපයන ලාභවලින් හිමිකරුවන්ට ලාභාංශ ද රජයට බදු කොටසක් ද ලබා දී ආයෝජනය කරයි.

රාජ්‍ය අංශයේ ප‍්‍රධාන කාර්ය පහත දැක්වේ.

· රජය විසින් අය කර ගනු ලබන බදු ආදායමෙන් මහජනතාවට පොදු භාණ්ඩ සුභසාධන භාණ්ඩ හා සේවා සැපයීම

· ජාතික ආරක්ෂාව, නීතිය හා සාමය රැකීම, පරිසරය සුරැකීම, අධ්‍යාපනය, සෞඛ්‍යය වැනි සේවා සැපයීම.

· මහාමාර්ග, සන්නිවේදනය වැනි ආර්ථික පොදු කාර්ය ප‍්‍රාග්ධනය ද සැපයීම.

· කුටුම්බවලට පාරිභෝගික සහනාධාරත් ව්‍යාපාරික අංශවලට නිෂ්පාදන සහනාධාරත් සැපයීම.

· විදේශ අංශයේ ප‍්‍රධාන කාර්යය පහත දැක්වේ.

· භාණ්ඩ හා සේවා ආනයනය හා අපනයනය කිරීම.

· විදේශ සාධක ආදායම් ලැබීම් හා ගෙවීම් සිදු කිරීම.

· ඉහත රූප සටහන ඇසුරින් ජාතික ගිණුම්කරණයේ ප‍්‍රවේශ තුන අංශ දෙකක් පමණක් ඇති (සරල ) ආර්ථිකයක වෘත්තාකාර ප‍්‍රවාහය ඇසුරෙන් පහත ස`දහන් පරිදි කළ හැකි ය.

· කුටුම්බ අංශයෙන් ලබාගත් නිෂ්පාදන සාධක සංයෝග කොට ව්‍යාපාරික අංශය විසින් භාණ්ඩ හා සේවා නිපදවන අතර එය ජාතික ගිණුම්කරණයට අදාළව නිෂ්පාදන ප‍්‍රවේශය වේ.

· ව්‍යාපාරික අංශය නිෂ්පාදන සාධක කුටුම්බ අංශයෙන් මිල දී ගන්නා විට කුටුම්බ අංශය වෙත සාධක ආදායම් ප‍්‍රවාහයක් ගමන් කරයි. එය ජාතික ගිණුම්කරණයේ ආදායම් ප‍්‍රවේශය වේ.

· ව්‍යාපාරික අංශය නිපදවනු ලබන නිෂ්පාදන භාණ්ඩ හා සේවා මිල දී ගැනීමට කුටුම්බ අංශය දරන වියදම් ජාතික ගිණුම්කරණයේ වියදම් ප‍්‍රවේශය වේ.